اللي تبي الأجر : تتزوج سعودي

السلام عليكم ورحمة الله وبركاته.....
حبيت اطرح عليكم موضوع من جد ازعجني والمصيبه اني قريت الموضوع في منتدي ماهو سعودي السالفه ومافيها ان فيه نكته منتشره في مجتمع غير سعودي ,والمصيبه النكته طلعوها السعوديات علي ازواجهم,فانا مدري ليش يطلع من بعض الزوجات هذا الكلام علي ازواجهم؟؟؟؟
وليش صاروا الازواج نكته في بعض المجتمعات؟؟؟؟
انا اتمنى من كل سعوديه تريد تشويه الزوج السعودي يكون ذلك بينها وبين نفسها ماله داعي تسوي نكته وتنشرها اذا كان زوجها رافع ضغطها مايصير توصل مشاكل الازواج سعوديين الي بعض المجتمعات علي شكل نكته او اي شكل من الاشكال ,ومدري كيف يرضون ان النكت هذي يقراها اي زوج من مجتمع اخر غير سعودي؟؟؟؟
صراحه ان الزوجات في المجتمعات الثانيه صارو ابرك من بعض الزوجات السعوديات ردوووو علي هذي النكته وماسكتو والموضوع منقول ويقول.....
..........................................................
رسالة تناقلتها زوجات سعوديات أزعجتني

لقد اثار إهتمامي رسالة تتناقلتها زوجات سعوديات عن اللي تبي الدلع والكلام الحلو وين تلاقيه.

فحوى الرساله؛ إن اللي تبي الدلع تاخذ لبناني واللي تبي الكلام الحلو تاخذ سوري واللي تبي..... واللي تبي.....

واللي تبي الأجر تاخذ سعودي. عاد الأخيره هي الي أزعجتني.
وحبيت أقول لهم
العاقل يفهم من غمزه والجاهل يفهم من رفسة
معلومة أفتتح فيها رسالتي:

أنا من بيئة زراعية تؤمن أن الأرض الطيبة تعطيها تعطيك،

وكثر ما تهتم فيها يكون الثمر أطيب.إلى كل إمرأه سعودية تعتقد أنها مأجورة لأنها مآخذه زوج سعودي.....

إلى كل إمرأه سعودية تعتقد أنها فاقدة الدلع مع زوج سعودي.....

إلى كل إمرأه سعودية تعتقد أنها فاقدة الرومانسية مع زوج سعودي.....
إلى كل إمرأه سعودية تعتقد أنها فاقدة الكلام الحلو مع زوج سعودي.....
إلى كل إمرأه سعودية تعتقد أنها مظلومة عاطفيا لأنها مع زوج سعودي.....
إلى كل امرأة سعودية تبحث عن زوج حق دلع ولا كلام حلو.....
إلى كل إمرأه سعودية تعتقد أنها مأجورة لأنها مآخذه زوج سعودي.....

إلى كل إمرأه سعودية تعتقد أنها فاقدة الدلع مع زوج سعودي.....

أختي الفاضلة:

أجلسي مع نفسك صباح يوم من الأيام بعد أن يغادر زوجك السعودي إلى العمل.

راجعي يوم الأمس الذي مضى لحظة بلحظة،
وأجيبي عن الأسئلة التالية:

صباح الأمس الباكر؛ من أيقظ زوجك للعمل؟ أنت أم الساعة المنبهة؟إذا كانت الساعة؛ أين كنتي؟

إذا كنتي أنتي؛ كيف أيقظتيه؟ وبأي صوت نبهتيه؟ وفي أي صورة كنتي عندما تفتحت عينيه؟
بعد أن استيقظ، ودخل الحمام للدش؛ هل وجد حمامه جاهز؟
لما خرج والأمل يحذوه في وجبة إفطار؛
هل كنتي جهزتي له إفطاره؟
(ولا كوب قهوة وكيك على المكتب)
قبل أن يخرج للعمل؛ من أين أخذ ملابسه؟ (من بين يديك ولا من الدولاب)
هل ساعدتيه في لبسه؟ (وكشختيه وعطرتيه)
بعد اللبس (وقت الخروج)؛
هل من مودع؟ ولا أحسن إختاري أجابه واحدة مما يلي:
1- خرج وأنا نايمه.
2- صحيت من حركته في البيت، فتحت وحده من عيوني وقلت: وين رايح، العمل؟ بالسلامة.
3- كنت جالسه بالصالة، وهو خارج قلت له لا تنسى الأغراض اللي وصيتك عليها.
4- رافقته للباب، وكان وداع حار.
( تبين مساعدة، نحذف إجابتين؟ بس المشكلة مانقدر نحذف إلا إجابة وحده بس!!!)
لما وصل المكتب (طبعا إذا قام يفطر الشباب بالمكتب عرفوا وش أنتي من حرمه)؛

هل أتصلتي فيه تطمئنين عليه إنه وصل بالسلامة؟

تالي النهار وهو راجع البيت من العمل،
دق الجرس ( معه مفتاح بس يبي أحد يفتحله و يحسسه إن له وحشه)؛
هل أستقبلتيه؟ وشلون؟
بدا ينزع ملابسه؟ هل كنتي معه ونزعتي له ملابسه و..و..
ثم علقتيها بالدولاب؟ (ولا منطوله بطرف السرير)
يبي يدخل الحمام ويأخذ دش؛ (كرري السؤال حق دش الصباح).
بعد الدش يبي استرخاء، رجليه تألمه من الوقفة طول النهار والمشي،
جسمه هلكان؛ هل ريحتيه؟ (طشت مويه وملح وهاتك يا تدليك)
الآن يبي غفوة قبل ألغدا، هل ساعدتي على توفير الجو الهادئ؟
لما صحي؛ هل وجد ألغدا جاهز ولا هو اللي جابه معه من المطعم؟
بعد ألغدا أكيد يبي شاي،
هل قدمتي له الشاي، وجلستي معه سوالف عن كل شيء،
وكيف كان يومك؟
الآن فتره مستقطعه إلى الليل، وشلون قضيتوها؟
بالليل وقبل النوم على الأقل ساعتين (إذا فيه عيال أكيد ناموا)؛
وش كنت لابسه؟ كيف رائحتك؟ وشلون صورتك وهيئتك أمامه؟
خلال الساعتين: وش من جو عيشتيه فيه؟
يمكن تتابعون فلم ولا مسلسل وسواليف، بس الجو العام شلون؟
وقت النوم، وأنتي رايحه السرير؛ وش كنت لابسه؟ كيف وضعية النوم مع زوجك؟
(وضعية حنان ولا كأنكم أثنين أصدقاء استأجروا غرفه بفندق
وما لقولهم إلا غرفه بسرير واحد (كنج بد) وكل واحد نايم بجهه)
باختصار لكل الأسئلة السابقة:

هل كنتي أنثى مع زوجك السعودي وعيشتيه جو زوج وزوجه؟

طبعاًَ هذى مو كل الأسئلة المطلوبة من زوجه أنثى،

لكن المهم منها والمطلوب حتماًَ وحق الزوج فيها.

إلى كل امرأة سعودية تبحث عن زوج حق دلع ولا كلام حلو:
ضعي درجه من 100 على كل سؤال، ووزعيها بحسب الأهمية،

ثم أجيبي الإجابة الصحيحة، ومن ثم اجمعي الدرجات التي حصلتي عليها.
كم مجوع الدرجات أللتي حصلتي عليها؟
0% ولا 10% ولا 50% ؟

طبقي النتيجة على المعلومة الزراعية التي أعطيتها أول الرسالة عن الأرض.

إعتبري النتيجة هي نسبة اهتمامك بالأرض. والأرض زوجك كيف بتكون الثمرة اللي تحصدينها؟

(الثمرة أكيد الدلع والكلام الحلو و... و....)
اسألي مزارع إذا احتجتي مساعدة.
في النهاية: أتمني من المرأة السعودية اللي تبي الدلع ما تأخذ لبناني،

واللي تبي الكلام الحلو ما تأخذ سوري واللي تبي...واللي تبي....واللي تبي....

كفاية يكون في العالم العربي كله بس السعوديين محرومين من الأنثى.

معلومة أختتم فيها رسالتي:
تعرفون ليه الزوج السعودي يفغر لما يشوف امرأة متبرجة وتطيح سعابيله.

تعرفون ليه الزوج السعودي أكثر رجل في التاريخ متواجد في القهاوي والاستراحات؟
تعرفون ليه الزوج السعودي لما يجلس وزوجته يتابعون التلفزيون وتطل المذيعة عيونه مفنجله بالشاشة.
تعرفون ليه الزوج السعودي لما يتزوج من سوريه ولا مغربيه ولا...ولا...
يحس إن فعلاًَ فيه جنس آخر بالكون غير الذكور.
لأنه في الأصل عايش مع واحد من ربعه.
تعرفون ليه الزوج السعودي يفغر لما يشوف امرأة متبرجة وتطيح سعابيله.

تعرفون ليه الزوج السعودي أكثر رجل في التاريخ متواجد في القهاوي والاستراحات؟
تعرفون ليه الزوج السعودي لما يجلس وزوجته يتابعون التلفزيون وتطل المذيعة عيونه مفنجله بالشاشة.
تعرفون ليه الزوج السعودي لما يتزوج من سوريه ولا مغربيه ولا...ولا...
يحس إن فعلاًَ فيه جنس آخر بالكون غير الذكور.
لأنه في الأصل عايش مع واحد من ربعه.
منقول من الواقع

و أنا برأيي الشخصي انه لو فيه زوجة تسوي ما ذكر أعلاه ما راح زوجها يفكر مجرد

تفكير بالزواج عليها إلا إذا كان مجنونا أو مريضا نفسيا

ملاحظة هامة / الموضوع طرح بهذا الأسلوب كتذكير للمتزوجين و المتزوجات و المقصرين والمقصرات فقط .

دمتم بوافر الودّ والمحبة...............................
شفتواااااا الموضوع والله من جد يقهر بالاخير صارت تنصحنا وحده ماهي سعوديه والسبب نكته طلعتها احد الزوجات السعوديات..
وللاسف صار موضوع النكته اسلوب يذكرون فيه المقصرين والمقصرات
حسبي الله علي كل وحده اطلع نكت مسخره مثل هذي عن الازواج سعوديين وقول احمدووووا ربكم انتم في نعمه اصلا كل وحده بالعالم تمنى تاخذ رجال سعودي وانتوا صار مايملا عيونكم الزوج السعودي ؟؟؟
اتمنى من كل وحده ماهي عاجبتها الحياه مع الزوج السعودي ترد علي الاسئله التي ذكرتها الاخت الغير سعوديه في الموضوع المذكور ,وتراجع نفسها وحياتها زوجيه ولاتجعلها نكته تتداولها المجتمعات الاخري ...
(الكلام موجه الا كل وحده اطلع نكت مسخره عن الازواج سعووووديييييييين)

_________________
اللي تبي الأجر : تتزوج سعودي 59J73604

مشكور على الموضوووووع

مين قال ان البناني ولا السوري كلامهم حلو ولا دلعهم زين

والله ماعندهم سالفه بس يشوفونهم بالمسلسل ويصدقونهم

حتي السعودي يدلع ويقول كلام حلو

ما فيه احسن من السعودي

السعودي السعودي السعودي

ولا أبي الا سعووووووووودي

والسعودي تاج راسهم

يعطيك العافيه

اننا مو مقتنعة بكلام الحريم ..اللي تقول ان السعودي مو رومانسي .. ولا كلامة حلو ...وانة ... وفيه....

انا مو سعودية .. بس زوجي سعودي .. ومعيشني اميرة .. برقتة و دلاله لي.... ليش الظلم للسعوديين .. انا ما ارضاها لان

حبيبي ونور عيني سعوووووووووودي .. الله يخليه لي ...

اشكركم والله على الرد اللي يشرح الصدر

بصراحه تقوى عين السعودي لمن يقرأ الكلام هذا

وأنتم مصدر قوتنا بعد الله

اللي يديم عليكم السعاده
والف الف شكر على احلا طله

ابومروان

_________________
اللي تبي الأجر : تتزوج سعودي 59J73604

العفو ..كلمة الحق تنقال ...

» سعودي يعترف بجريمته بعد 21 سنه
» سعودي يسرق 9 مليون !!!
» بطاقات ستور سعودي رقميه من 5 الى 100 دولار
» مصنع كابلات واسلاك نحاس كهربائية سعودي 0502457000
» لو سمحتو اللي يقرا الموضوع يرحب